ye mere jazb-e-nihan ka hai moajaza shayad
ki dil mein jhank ke dekhun to tu hi tu nikle

Khawar Ludhianvi

---

---

kabhi main Dhalta hun kaghaz pe naqsh ki surat
main lafz ban ke kisi ki zaban mein tairta hun

Khawar Naqvi

---

---

main kyun kahun ki zamana nahin hai ras mujhe
main dekhta hun zamane ko ras main bhi nahin

Khawar Rizvi

---

---

har taraf KHunin bhanwar har samt chiKHon ke azab
mauj-e-gul bhi ab ke dozaKH ki hawa se kam na thi

Khayal Amrohvi

---

---

ab in hudud mein laya hai intizar mujhe
wo aa bhi jaen to aae na aitabar mujhe

Khumar Barabankavi

---

---

aisa nahin ki un se mohabbat nahin rahi
jazbaat mein wo pahli si shiddat nahin rahi

Khumar Barabankavi

---

---

aql o dil apni apni kahen jab 'KHumar'
aql ki suniye dil ka kaha kijiye

Khumar Barabankavi

---

---