'KHar' ulfat ki baat jaane do
zindagi kis ko sazgar aai

Khar Dehlavi

---

---

main ne mana ki adu bhi tera shaidai hai
farq hota hai fida hone mein mar jaane mein

Khar Dehlavi

---

---

mohabbat zulf ka aaseb jadu hai nigahon ka
mohabbat fitna-e-mahshar bala-e-na-gahani hai

Khar Dehlavi

---

---

sach to ye hai ki dua ne na dawa ne rakkha
hum ko zinda tere daman ki hawa ne rakkha

Khar Dehlavi

---

---

uTThe na baiTh kar kabhi ku-e-habib se
us dar pe kya gae ki usi dar ke ho gae

Khar Dehlavi

---

---

ye nagri husn walon ki ajab nagri hai ai hamdam
ki is nagri mein aahon ki bhi tasiren badalti hain

Khar Dehlavi

---

---

ek ek kar ke log nikal aae dhup mein
jalne lage the jaise sabhi ghar ki chhanw mein

Khatir Ghaznavi

---

---