yun ji bahal gaya hai teri yaad se magar
tera KHayal tere barabar na ho saka

Khalilur Rahman Azmi

---

---

yun to marne ke liye zahr sabhi pite hain
zindagi tere liye zahr piya hai main ne

Khalilur Rahman Azmi

---

---

zahr pi kar bhi yahan kis ko mili gham se najat
KHatm hota hai kahin silsila-e-raqs-e-hayat

Khalilur Rahman Azmi

---

---

zara jo tez chale to koi bhi sath na tha
hisar-e-fikr hi bas apna pasban hua

Khalilur Rahman Azmi

---

---

zindagi bhi mere nalon ki shanasa nikli
dil jo TuTa to mere ghar mein koi shama jali

Khalilur Rahman Azmi

---

---

yahan to chaaron taraf qatl ho rahe hain log
main kaise dunga akela shahadaten sab ki

Khalish Barodvi

---

---

shikwa apnon se kiya jata hai ghairon se nahin
aap kah den to kabhi aap se shikwa na karen

Khalish Kalkatvi

---

---