hamare daur ki tarikiyan miTane ko
sahab-e-dard se KHushiyon ka chand ubhra hai

Khalid Suhail

---

---

kashtiyan mazbut sab bah jaengi sailab mein
kaghzi ek naw meri zat ki rah jaegi

Khalid Suhail

---

---

fan ka dawa hai to kuchh jurat-e-izhaar bhi ho
zeb deta nahin fankar ko buzdil hona

Khalid Yusuf

---

---

hum ne mana ki tere shahr mein sab achchha hai
koi isa ho to mil jaenge bimar bahut

Khalid Yusuf

---

---

use KHabar hai ki anjam-e-wasl kya hoga
wo qurbaton ki tapish fasle mein rakhti hai

Khalid Yusuf

---

---

ye adaen ye ishaare ye hasin qaul-o-qarar
kitne aadab ke parde mein hai inkar ki baat

Khalid Yusuf

---

---

asi hai sukhe gulabon ki baat sanson mein
koi KHayal kisi yaad ke hisar mein hai

Khalida Uzma

---

---