dasht-e-junun se aa gae shahr-e-KHirad mein hum
dil ko magar ye saneha achchha nahin laga

Khalid Mubashshir

---

---

kahin ranjha, kahin majnun hua
wajud-e-ishq aalamgir hai

Khalid Mubashshir

---

---

meri wahshaton ka sabab kaun samjhe
ki main gum-shuda qafila chahta hun

Khalid Mubashshir

---

---

mujhe shak hai hone na hone pe 'KHalid'
agar hun to apna pata chahta hun

Khalid Mubashshir

---

---

Tapak ke dida-e-nam se sadaen deta hai
jo ek harf-e-tamanna dil-e-tabah mein tha

Khalid Mubashshir

---

---

isi miTTi se hasab aur nasab tha apna
kyun hue shahar mein aawara bahut mat puchho

Khalid Raheem

---

---

aankh kis lafz pe bhar aai hai
kaun si baat pe dil TuTa hai

Khalid Sharif

---

---