lakiren khinchte rahne se ban gai taswir
koi bhi kaam ho, be-kar thoDi hota hai

Khalid Moin

---

---

main ne tujh ko manzil jaana
tu mujh ko rasta samjha tha

Khalid Moin

---

---

mausam-e-yaad ka koi jhonka, ab jo guzre tumhaari KHalwat se
soch lena hamare bare mein, par hamara malal mat karna

Khalid Moin

---

---

mohabbat ki to koi had, koi sarhad nahin hoti
hamare darmiyan ye fasle, kaise nikal aae

Khalid Moin

---

---

munkashif! aaj talak ho na saka
main KHala hun ki KHala hai mujh mein

Khalid Moin

---

---

sadaen Dub jati hain hawa ke shor mein aur main
gali-kuchon mein tanha chiKHta rahta hun barish mein

Khalid Moin

---

---

sham paDe so jaane wala! dip bujha kar yaadon ke
raat gae tak jag raha tha pahli pahli barish mein

Khalid Moin

---

---