sabhi kirdar thak kar so gae hain
magar ab tak kahani chal rahi hai

Khaavar Jilani

---

---

sachchai wo jang hai jis mein baz auqat sipahi ko
aap muqabil apne hi DaT jaana paDta hai

Khaavar Jilani

---

---

subh hoti hai to kunj-e-KHush-gumani mein kahin
phenk di jati hai shab bhar ki siyahi bandh ka

Khaavar Jilani

---

---

waqt guzar jata hai lekin dil ki ranjish
dil mein baiThi ki baiThi hi rah jati hai

Khaavar Jilani

---

---

wo ki ban pa nahin raha mujh se
jo ki shayad bana raha hun main

Khaavar Jilani

---

---

wo kuchh se kuchh bana Dalega taslimat ke mani
saliqa aa gaya us ko agar inkar karne ka

Khaavar Jilani

---

---

yunhi bekar main paDa KHud ko
kar-amad bana raha hun main

Khaavar Jilani

---

---