kaleje mein hazaron dagh dil mein hasraten lakhon
kamai le chala hun sath apne zindagi bhar ki

Agha Shayar Qazalbash

---

---

kis tarah jawani mein chalun rah pe naseh
ye umr hi aisi hai sujhai nahin deta

Agha Shayar Qazalbash

---

---

lo hum bataen ghuncha-o-gul mein hai farq kya
ek baat hai kahi hui ek be-kahi hui

Agha Shayar Qazalbash

---

---

milna na milna ye to muqaddar ki baat hai
tum KHush raho raho mere pyare jahan kahin

Agha Shayar Qazalbash

---

---

pamal kar ke puchhte hain kis ada se wo
is dil mein aag thi mere talwe jhulas gae

Agha Shayar Qazalbash

---

---

pahle is mein ek ada thi naz tha andaz tha
ruThna ab to teri aadat mein shamil ho gaya

Agha Shayar Qazalbash

---

---

tum kahan wasl kahan wasl ki ummid kahan
dil ke bahkane ko ek baat bana rakhi hai

Agha Shayar Qazalbash

---

---