mujid jo nur ka hai wo mera charagh hai
parwana hun main anjuman-e-kaenat ka

Agha Hajju Sharaf

---

---

nahin karte wo baaten aalam-e-ruya mein bhi hum se
KHushi ke KHwab bhi dekhen to be-tabir hote hain

Agha Hajju Sharaf

---

---

qarib-e-marg hun lillah aaina rakh do
gale se mere lipaT jao phir nikhar lena

Agha Hajju Sharaf

---

---

shaKH-e-gul jhum ke gulzar mein sidhi jo hui
phir gaya aankh mein naqsha teri angDai ka

Agha Hajju Sharaf

---

---

tez kab tak hogi kab tak baDh rakkhi jaegi
ab to ai qatil teri shamshir aadhi rah gai

Agha Hajju Sharaf

---

---

tu nahin milti to hum bhi tujh ko milne ke nahin
tafraqa aapas mein ai umr-e-rawan achchha nahin

Agha Hajju Sharaf

---

---

ek dhundla sa tasawwur hai ki dil bhi tha yahan
ab to sine mein faqat ek Tis si pata hun main

Agha Hashr Kashmiri

---

---