ye bhi shayad zindagi ki ek ada hai dosto
jis ko sathi mil gaya wo aur tanha ho gaya

Afzal Minhas

---

---

zindagi itni pareshan hai ye socha bhi na tha
us ke atraf mein sholon ka samundar dekha

Afzal Minhas

---

---

zindagi ki zulmaten apne lahu mein rach gain
tab kahin ja kar hamein aankhon ki binai mili

Afzal Minhas

---

---

aise kuchh din bhi the jo hum se guzare na gae
wapsi ke kisi saman mein rakh chhoDe hain

Afzal Naved

---

---

ayyam ke ghubar se nikla to der tak
main raston ko dhul bana dekhta raha

Afzal Naved

---

---

darwaze the kuchh aur bhi darwaze ke pichhe
barson pe gai baat mahinon se nikal ka

Afzal Naved

---

---

jang se jangal bana jangal se main nikla nahin
ho gaya ojhal magar ojhal se main nikla nahin

Afzal Naved

---

---