wo jo pyasa lagta tha sailab-zada tha
pani pani kahte kahte Dub gaya hai

Aanis Moin

---

---

yaad hai 'anis' pahle tum KHud bikhre the
aaine ne tum se bikharna sikha tha

Aanis Moin

---

---

ye aur baat ki rang-e-bahaar kam hoga
nai ruton mein daraKHton ka bar kam hoga

Aanis Moin

---

---

ye intizar sahar ka tha ya tumhaara tha
diya jalaya bhi main ne diya bujhaya bhi

Aanis Moin

---

---

dekh daman-gir mahshar mein tere howenge hum
KHun hamara apne daman se na ai qatil chhuDa

Aarifuddin Aajiz

---

---

aankh khulte hi bastiyan taraj
koi lazzat nahin hai KHwabon mein

Aashufta Changezi

---

---

'ashufta' ab us shaKHs se kya KHak nibahen
jo baat samajhta hi nahin dil ki zaban ki

Aashufta Changezi

---

---