jhuT aur mubaalaghe ne afsos
izzat kho di suKHanwari ki

Ismail Merathi

---

---

jis ne chashm-e-mast-e-saqi dekh li
ta qayamat us pe hushyari haram

Ismail Merathi

---

---

kabhi bhul kar kisi se na karo suluk aisa
ki jo tum se koi karta tumhein nagawar hota

Ismail Merathi

---

---

khola hai mujh pe sirr-e-haqiqat majaz ne
ye puKHtagi sila hai KHayalat-e-KHam ka

Ismail Merathi

---

---

KHwahishon ne Dubo diya dil ko
warna ye bahr-e-be-karan hota

Ismail Merathi

---

---

kuchh meri baat kimiya to na thi
aisi bigDi ki phir bani hi nahin

Ismail Merathi

---

---

kuchh na ban aaegi jab luT machaegi KHizan
ghuncha har-chand girah kas ke zar-e-gul bandhe

Ismail Merathi

---

---