zamana dekha hai hum ne hamari qadr karo
hum apni aankhon mein duniya basae baiThe hain

Iqbal Azeem

---

---

qayamat se bahut pahle qayamat kyun na ho barpa
jhuka hai aadmi ke samne sar aadamiyon ka

Iqbal Haider

---

---

wahi kaifiyyat-e-chashm-o-dil-o-jaan hai 'iqbaal'
na koi rabt bana aur na rishta TuTa

Iqbal Haider

---

---

ye KHushk lab ye panw ke chhaale ye sar ki dhul
hum shahar ki faza mein bhi sahra-naward hain

Iqbal Haider

---

---

afsos mabadon mein KHuda bechte hain log
ab mani-e-saza-o-jaza kuchh nahin raha

Iqbal Kaifi

---

---

aTe hue hain faqiron ke pairahan 'kaifi'
jahan ne bhik mein miTTi bikher kar di hai

Iqbal Kaifi

---

---

dekha hai mohabbat ko ibaadat ki nazar se
nafrat ke awamil hamein mayub rahe hain

Iqbal Kaifi

---

---