teri baaton ko chhupana nahin aata mujh se
tu ne KHushbu mere lahje mein basa rakkhi hai

Iqbal Ashhar

---

---

Thahri Thahri si tabiat mein rawani aai
aaj phir yaad mohabbat ki kahani aai

Iqbal Ashhar

---

---

wahi to markazi kirdar hai kahani ka
usi pe KHatm hai tasir bewafai ki

Iqbal Ashhar

---

---

waise bhi us se koi rabt na rakkha main ne
yun bhi duniya mein kashish teri ba-nisbat kam thi

Iqbal Ashhar

---

---

wo kisi ko yaad kar ke muskuraya tha udhar
aur main nadan ye samjha ki wo mera hua

Iqbal Ashhar

---

---

daraKHt hath hilate the rahnumai ko
musafiron ne to kuchh bhi nahin kaha mujh se

Iqbal Ashhar Qureshi

---

---

jo log lauT ke KHud mere pas aae hain
wo puchhte hain ki 'ashhar' yahin pe ab tak ho

Iqbal Ashhar Qureshi

---

---