phir tera zikr kiya baad-e-saba ne mujh se
phir mere dil ko dhaDakne ke bahane aae

Iqbal Ashhar

---

---

pyas dariya ki nigahon se chhupa rakkhi hai
ek baadal se baDi aas laga rakkhi hai

Iqbal Ashhar

---

---

sabhi apne nazar aate hain ba-zahir lekin
ruThne wala hai koi na manane wala

Iqbal Ashhar

---

---

sataya aaj munasib jagah pe barish ne
isi bahane Thahar jaen us ka ghar hai yahan

Iqbal Ashhar

---

---

sochta hun teri taswir dikha dun us ko
raushni ne kabhi saya nahin dekha apna

Iqbal Ashhar

---

---

suno samundar ki shoKH lahro hawaen Thahri hain tum bhi Thahro
wo dur sahil pe ek bachcha abhi gharaunde bana raha hai

Iqbal Ashhar

---

---

tere kirdar ko itna to sharaf hasil hai
tu nahin tha to kahani mein haqiqat kam thi

Iqbal Ashhar

---

---