dard ki sari tahen aur sare guzre hadse
sab dhuan ho jaenge ek waqia rah jaega

Iftikhar Imam Siddiqi

---

---

ek musalsal dauD mein hain manzilen aur fasle
panw to apni jagah hain rasta apni jagah

Iftikhar Imam Siddiqi

---

---

jo chup raha to wo samjhega bad-guman mujhe
bura bhala hi sahi kuchh to bol aaun main

Iftikhar Imam Siddiqi

---

---

phir us ke baad talluq mein fasle honge
mujhe sambhaal ke rakhna bichhaD na jaun main

Iftikhar Imam Siddiqi

---

---

wo KHwab tha bikhar gaya KHayal tha mila nahin
magar ye dil ko kya hua kyun bujh gaya pata nahin

Iftikhar Imam Siddiqi

---

---

nashtar-e-gham na jis ko ras aaya
zist us ko kabhi na ras aai

Iftikhar Jameel Shaheen

---

---

aankh jhapki thi bas ek lamhe ko aur is ke baad
main ne DhunDa hai tujhe zindagi sahra sahra

Iftikhar Mughal

---

---