wo kya manzil jahan se raste aage nikal jaen
so ab phir ek safar ka silsila karna paDega

Iftikhar Arif

---

---

wo mere nam ki nisbat se mo'tabar Thahre
gali gali meri ruswaiyon ka sathi ho

Iftikhar Arif

---

---

yahi lahja tha ki mear-e-suKHan Thahra tha
ab isi lahja-e-be-bak se KHauf aata hai

Iftikhar Arif

---

---

yahi lau thi ki ulajhti rahi har raat ke sath
ab ke KHud apni hawaon mein bujha chahti hai

Iftikhar Arif

---

---

ye basti jaani pahchani bahut hai
yahan wadon ki arzani bahut hai

Iftikhar Arif

---

---

ye bastiyan hain ki maqtal dua kiye jaen
dua ke din hain musalsal dua kiye jaen

Iftikhar Arif

---

---

ye moajaza bhi kisi ki dua ka lagta hai
ye shahr ab bhi usi be-wafa ka lagta hai

Iftikhar Arif

---

---