huli nahin ujDe hue gulshan ki bahaaren
han yaad hain wo din ki hamara bhi KHuda tha

Hameed Jalandhari

---

---

hui muddat ki un ko KHwab mein bhi ab nahin dekha
main jin galiyon mein apne doston ke sath khela tha

Hameed Jalandhari

---

---

kis shan se gae hain shahidan-e-ku-e-yar
qatil bhi hath uTha ke sharik-e-dua hue

Hameed Jalandhari

---

---

phir gai ek aur hi duniya nazar ke samne
baiThe baiThe kya bataun kya mujhe yaad aa gaya

Hameed Jalandhari

---

---

sine mein raaz-e-ishq chhupaya na jaega
ye aag wo hai jis ko dabaya na jaega

Hameed Jalandhari

---

---

un ki jafaon par bhi wafa ka hua guman
apni wafaon ko bhi faramosh kar diya

Hameed Jalandhari

---

---

aaj insan ne bhula Dale hain yazdan ke karam
hum ne to zulm bhi ehsan tere jaane hain

Hameed Jazib

---

---