wo sar hi kya ki jis mein tumhaara na ho KHayal
wo dil hi kya ki jis mein tumhaara guzar na ho

Hakim Mohammad Ajmal Khan Shaida

---

---

aage jo qadam rakkha pichhe ka na gham rakkha
jis rah se hum guzre diwar uTha aae

Haleem Qureshi

---

---

ab tujhe kaise bataen ki teri yaadon mein
kuchh izafa hi kiya hum ne KHayanat nahin ki

Haleem Qureshi

---

---

koi ilzam koi tanz koi ruswai
din bahut ho gae yaron ne inayat nahin ki

Haleem Qureshi

---

---

adle hue se lagte hain ab mausamon ke rang
paDta hai aasman ka saya zamin pa

Hamdam Kashmiri

---

---

shajar-e-tar na yahan barg-e-shanasa koi
is qarine se sajaya hai ye manzar kis ne

Hameed Almas

---

---

aane lage hain wo bhi ayaadat ke waste
ai chaaragar mariz ko achchha kiya na jae

Hameed Jalandhari

---

---