pahle ek shaKHs meri zat bana
aur phir puri kaenat bana

Ghulam Mohammad Qasir

---

---

pyar gaya to kaise milte rang se rang aur KHwab se KHwab
ek mukammal ghar ke andar har taswir adhuri thi

Ghulam Mohammad Qasir

---

---

sayon ki zad mein aa gain sari ghulam-gardishen
ab to kaniz ke liye rah-e-farar bhi nahin

Ghulam Mohammad Qasir

---

---

sab se achchha kah ke us ne mujh ko ruKHsat kar diya
jab yahan aaya to phir sab se bura bhi main hi tha

Ghulam Mohammad Qasir

---

---

socha hai tumhaari aankhon se ab main un ko milwa hi dun
kuchh KHwab jo DhunDte phirte hain jine ka sahaara aankhon mein

Ghulam Mohammad Qasir

---

---

teri aawaz ko is shahr ki lahren tarasti hain
ghalat number milata hun to pahron baat hoti hai

Ghulam Mohammad Qasir

---

---

tum yun hi naraaz hue ho warna mai-KHane ka pata
hum ne har us shaKHs se puchha jis ke nain nashile the

Ghulam Mohammad Qasir

---

---