KHuda se Darte to KHauf-e-KHuda na karte hum
ki yaad-e-but se haram mein buka na karte hum

Ghulam Maula Qalaq

---

---

kidhar qafas tha kahan hum the kis taraf ye qaid
kuchh ittifaq hai sayyaad aab-o-dane ka

Ghulam Maula Qalaq

---

---

kis liye dawa-e-zuleKHai
ghair yusuf nahin ghulam nahin

Ghulam Maula Qalaq

---

---

kufr aur islam mein dekha to nazuk farq tha
dair mein jo pak tha kabe mein wo napak tha

Ghulam Maula Qalaq

---

---

kya KHana-KHarabon ka lage tere Thikana
us shahr mein rahte hain jahan ghar nahin hota

Ghulam Maula Qalaq

---

---

kyunkar na aastin mein chhupa kar paDhen namaz
haq to hai ye aziz hain but hi KHuda ke baad

Ghulam Maula Qalaq

---

---

main raazdan hun ye ki jahan tha wahan na tha
tu bad-guman hai wo ki jahan hai wahan nahin

Ghulam Maula Qalaq

---

---