pahle rakh le tu apne dil par hath
phir mere KHat ko paDh likha kya hai

Ghulam Maula Qalaq

---

---

ahm kar maston pe kab tak taq par rakkhega tu
saghar-e-mai saqiya zahid ka iman ho gaya

Ghulam Maula Qalaq

---

---

shahr un ke waste hai jo rahte hain tujh se dur
ghar un ka phir kahan jo tere dil mein ghar karen

Ghulam Maula Qalaq

---

---

tera diwana to wahshat ki bhi had se nikla
ki bayaban ko bhi chahe hai bayaban hona

Ghulam Maula Qalaq

---

---

teri nawed mein har dastan ko sunte hain
teri umid mein har rahguzar ko dekhte hain

Ghulam Maula Qalaq

---

---

tujh se ai zindagi ghabra hi chale the hum to
par tashaffi hai ki ek dushman-e-jaan rakhte hain

Ghulam Maula Qalaq

---

---

tu dekh to udhar ki jo dekha na jae phir
tu guftugu kare to kabhi guftugu na ho

Ghulam Maula Qalaq

---

---