qadron ki haden toD nai tarah nikal
dam tujh mein agar hai to baghi ho ja

Farooq Nazki

---

---

sang-paraston ki basti mein shisha-garon ki KHair nahin hai
jin ki aankhen nur se KHali un ke dil hain aahan aahan

Farooq Nazki

---

---

sitare boti rahin nind se tahi aankhen
idhar ye haal ki daman bhi tar nahin hota

Farooq Nazki

---

---

suna hai log wahan mujh se KHar khate hain
fasana aam jahan meri bebasi ka hai

Farooq Nazki

---

---

tu KHuda hai to baja mujh ko Daraata kyun hai
ja mubarak ho tujhe tere karam ka saya

Farooq Nazki

---

---

aandhiyon ka KHwab adhura rah gaya
hath mein ek sukha patta rah gaya

Farooq Shafaq

---

---

aaj socha hai jagunga main raat mein
kachche phal sa mujhe toDta kaun hai

Farooq Shafaq

---

---