us ki jaanib se baDha ek qadam
mere sau sal baDha deta hai

Fariha Naqvi

---

---

wo KHuda hai to bhala us se shikayat kaisi?
muqtadir hai wo sitam mujh pe jo Dhana chahe

Fariha Naqvi

---

---

zamane ab tere madd-e-muqabil
koi kamzor si aurat nahin hai

Fariha Naqvi

---

---

allah ke bandon ki hai duniya hi nirali
kanTe koi bota hai to ugte hain gulistan

Farooq Banspari

---

---

gham-e-ishq hi ne kaTi gham-e-ishq ki musibat
isi mauj ne Duboya isi mauj ne ubhaara

Farooq Banspari

---

---

kisi ki rah mein 'faruq' barbaad-e-wafa ho kar
bura kya hai ki apne haq mein achchha kar liya main ne

Farooq Banspari

---

---

mere naKHuda na ghabra ye nazar hai apni apni
tere samne hai tufan mere samne kinara

Farooq Banspari

---

---