wo jab bhi karte hain is nutq o lab ki baKHiya-gari
faza mein aur bhi naghme bikharne lagte hain

Faiz Ahmad Faiz

---

---

ye aarzu bhi baDi chiz hai magar hamdam
visal-e-yar faqat aarzu ki baat nahin

Faiz Ahmad Faiz

---

---

ye dagh dagh ujala ye shab-gazida sahar
wo intizar tha jis ka ye wo sahar to nahin

Faiz Ahmad Faiz

---

---

yun saja chand ki jhalka tere andaz ka rang
yun faza mahki ki badla mere hamraaz ka rang

Faiz Ahmad Faiz

---

---

zer-e-lab hai abhi tabassum-e-dost
muntashir jalwa-e-bahaar nahin

Faiz Ahmad Faiz

---

---

zindagi kya kisi muflis ki qaba hai jis mein
har ghaDi dard ke paiwand lage jate hain

Faiz Ahmad Faiz

---

---

dekhta hai kaun 'babar' kis ka kya kirdar hai
jis se jo mansub qissa ho gaya to ho gaya

Faiz Alam Babar

---

---