guzra mere qarib se wo is ada ke sath
raste ko chhu ke jis tarah rasta guzar gaya

Faheem Shanas Kazmi

---

---

KHud apne hone ka har ek nishan miTa Dala
'shanas' phir kahin mauzu-e-guftugu hue hum

Faheem Shanas Kazmi

---

---

kin darichon ke charaghon se hamein nisbat thi
ki abhi jal nahin pae ki bujhae gae hum

Faheem Shanas Kazmi

---

---

kisi ke dil mein utarna hai kar-e-la-hasil
ki sari dhup to hai aaftab se baha

Faheem Shanas Kazmi

---

---

koi bhi rasta kisi samt ko nahin jata
koi safar meri takmil karne wala nahin

Faheem Shanas Kazmi

---

---

phir wahi sham wahi dard wahi apna junun
jaane kya yaad thi wo jis ko bhulae gae hum

Faheem Shanas Kazmi

---

---

tamam umr hawa ki tarah guzari hai
agar hue bhi kahin to kabhu kabhu hue hum

Faheem Shanas Kazmi

---

---