dekhta hun un ki surat dekh kar
dhup mein tare nazar aate hain mujhe

Aziz Hyderabadi

---

---

dhaDakte hue dil ke ham-rah mere
meri nabz bhi chaara-gar dekh lete

Aziz Hyderabadi

---

---

dil Thikane ho to sab kuchh hai aziz
ji bahal jata hai sahra kyun na ho

Aziz Hyderabadi

---

---

duniya ki rawish dekhi teri zulf-e-dota mein
banti hai ye mushkil se bigaDti hai zara mein

Aziz Hyderabadi

---

---

gin raha hun harf un ke ahd ke
mujh ko dhoka de rahi hai yaad kya

Aziz Hyderabadi

---

---

hum ko sambhaalta koi kya rah-e-ishq mein
kha kha ke Thokaren hamin aaKHir sambhal gae

Aziz Hyderabadi

---

---

husn hai dad-e-KHuda ishq hai imdad-e-KHuda
ghair ka daKHl nahin baKHt hai apna apna

Aziz Hyderabadi

---

---