koi diwar salamat hai na ab chhat meri
KHana-e-KHasta ki surat hui haalat meri

Aslam Azad

---

---

main ne apni KHwahishon ka qatl KHud hi kar diya
hath KHun-alud hain in ko abhi dhoya nahin

Aslam Azad

---

---

na dasht o dar se alag tha na jangalon se juda
wo apne shahr mein rahta tha phir bhi tanha tha

Aslam Azad

---

---

phenka tha kis ne sang-e-hawas raat KHwab mein
phir DhunDhti hai nind usi pichhle pahr ko

Aslam Azad

---

---

asta sunsan tha to muD ke dekha kyun nahin
mujh ko tanha dekh kar us ne pukara kyun nahin

Aslam Azad

---

---

silsila rone ka sadiyon se chala aata hai
koi aansu meri palkon pe Thaharta hi nahin

Aslam Azad

---

---

hum bhi 'aslam' isi guman mein hain
hum ne bhi koi zindagi ji thi

Aslam Emadi

---

---