kyun karo 'aKHtar' ki baaten wo to ek diwana hai
tum to yaro apni apni dastan kahte raho

Akhtar Ansari Akbarabadi

---

---

kyun shikan paD gai hai abru par
main to kahta hun ek baat ki baat

Akhtar Ansari Akbarabadi

---

---

ah par aa hi gae aaj bhaTakne wale
rahbar dekh wo manzil ka nishan hai ki nahin

Akhtar Ansari Akbarabadi

---

---

sahaara de nahin sakte shikasta panw ko
haTao rah-e-mohabbat se rahnumaon ko

Akhtar Ansari Akbarabadi

---

---

yahi hain yaadgar-e-ghuncha-o-gul is zamane mein
inhin sukhe hue kanTon se zikr-e-gulsitan likhiye

Akhtar Ansari Akbarabadi

---

---

ye rang-o-kaif kahan tha shabab se pahle
nazar kuchh aur thi mauj-e-sharab se pahle

Akhtar Ansari Akbarabadi

---

---

zulm sahte rahe shukr karte rahe aai lab tak na ye dastan aaj tak
mujh ko hairat rahi anjuman mein teri kyun hain KHamosh ahl-e-zaban aaj tak

Akhtar Ansari Akbarabadi

---

---