gul khilae na kahin fitna-e-dauran kuchh aur
aaj-kal daur-e-mai-o-jam se ji Darta hai

Akhtar Ansari Akbarabadi

---

---

gulon ka zikr bahaaron mein kar chuke 'aKHtar'
ab aao hosh mein barq-o-sharar ki baat karo

Akhtar Ansari Akbarabadi

---

---

hum jo luTe us shahr mein ja kar dukh logon ko kyun pahuncha
apni nazar thi apna dil tha koi paraya mal na tha

Akhtar Ansari Akbarabadi

---

---

ho koi mauj-e-tufan ya hawa-e-tund ka jhonka
jo pahuncha de lab-e-sahil usi ko naKHuda samjho

Akhtar Ansari Akbarabadi

---

---

ek husn-e-mukammal hai to ek ishq-sarapa
hoshyar sa ek shaKHs hai diwana sa ek shaKHs

Akhtar Ansari Akbarabadi

---

---

kuchh andhere hain abhi rah mein hail 'aKHtar'
apni manzil pe nazar aaega insan ek roz

Akhtar Ansari Akbarabadi

---

---

kya karishma hai mere jazba-e-azadi ka
thi jo diwar kabhi ab hai wo dar ki surat

Akhtar Ansari Akbarabadi

---

---