mahw-e-hairat hun KHarash-e-dast-e-gham ko dekh kar
zaKHm chehre par hain ya hai aaina TuTa hua

Ajiz Matvi

---

---

main jin ko apna kahta hun kab wo mere kaam aate hain
ye sara sansar hai sapna sab jhuTe rishte-nate hain

Ajiz Matvi

---

---

muntazir hun main kafan bandh ke sar se 'ajiz'
samne se koi KHanjar nahin aaya ab tak

Ajiz Matvi

---

---

sitam ye hai wo kabhi bhul kar nahin aaya
tamam umr raha jis ka intizar mujhe

Ajiz Matvi

---

---

aarzu thi khinchte hum bhi koi aks-e-hayat
kya karen ab ke lahu aankhon se Tapka hi nahin

Ajmal Ajmali

---

---

'ajmal' na aap sa bhi koi saKHt-jaan mila
dekhen hain hum ne yun to sitam-ashna bahut

Ajmal Ajmali

---

---

hazar manzil-e-gham se guzar chuke lekin
abhi junun-e-mohabbat ki ibtida bhi nahin

Ajmal Ajmali

---

---