shama ki tarah se jalna sikh auron ke liye
gar tamanna dil mein hai to raunaq-e-mahfil bane

Ahmad Shahid Khan

---

---

ye gutthi kab se main suljha raha hun
jahan se main hun ya mujh se jahan hai

Ahmad Shahid Khan

---

---

abhi hamein guzarni hai ek umr-e-muKHtasar
magar hamari umr-e-muKHtasar mein kitni der hai

Ahmad Shahryar

---

---

faqir-e-shahr bhi raha hun 'shahryar' bhi magar
jo itminan faqr mein hai taj-o-taKHt mein nahin

Ahmad Shahryar

---

---

hadd-e-guman se ek shaKHs dur kahin chala gaya
main bhi wahin chala gaya main bhi guzishtagan mein tha

Ahmad Shahryar

---

---

hamare shahr ki riwayaton mein ek ye bhi tha
dua se qabl puchhna asar mein kitni der hai

Ahmad Shahryar

---

---

ilm ka dam bharna chhoDo bhi aur amal ko bhul bhi jao
aaina-KHane mein ho sahib fikr karo hairani ki

Ahmad Shahryar

---

---