ye khule khule se gesu inhen lakh tu sanware
mere hath se sanwarte to kuchh aur baat hoti

Agha Hashr Kashmiri

---

---

duniya ke jo maze hain hargiz wo kam na honge
charche yunhi rahenge afsos hum na honge

Agha Mohammad Taqi Khan taraqqi

---

---

abru na sanwara karo kaT jaegi ungli
nadan ho talwar se khela nahin karte

Agha Shayar Qazalbash

---

---

aDe sidhe-sadhe baDe bhole-bhaale
koi dekhe is waqt chehra tumhaara

Agha Shayar Qazalbash

---

---

hamin hain maujib-e-bab-e-fasahat hazrat-e-'shair'
zamana sikhta hai hum se hum wo dilli wale hain

Agha Shayar Qazalbash

---

---

ek baat kahen tum se KHafa to nahin hoge
pahlu mein hamare dil-e-muztar nahin milta

Agha Shayar Qazalbash

---

---

is liye kahte the dekha munh lagane ka maza
aaina ab aap ka madd-e-muqabil ho gaya

Agha Shayar Qazalbash

---

---