dukha dete ho tum dil ko to baDh jata hai dil mera
KHushi hota hun aisa main ki hans deta hun riqqat mein

Agha Hajju Sharaf

---

---

duniya jo na main chand nafas ke liye leta
jannat ka ilaqa meri jagir mein aata

Agha Hajju Sharaf

---

---

ghiste ghiste panw mein zanjir aadhi rah gai
aadhi chhuTne ki hui tadbir aadhi rah gai

Agha Hajju Sharaf

---

---

hamesha shefta rakhte hain apne husn-e-qudrat ka
KHud us ki ruh ho jate hain jis ka tan banate hain

Agha Hajju Sharaf

---

---

ishq ho jaega meri dastan-e-ishq se
raat bhar jaga karoge is kahani ke liye

Agha Hajju Sharaf

---

---

ishq-bazon ki kahin duniya mein shunwai nahin
in gharibon ki qayamat mein samaat ho to ho

Agha Hajju Sharaf

---

---

jashn tha aish-o-tarab ki intiha thi main na tha
yar ke pahlu mein KHali meri ja thi main na tha

Agha Hajju Sharaf

---

---