hai saKHt mushkil mein jaan saqi pilae aaKHir kidhar se pahle
sabhi ki aankhen ye kah rahi hain idhar se pahle idhar se pahle

Fazl Ahmad kariim Fazli

---

---

hamare un ke talluq ka ab ye aalam hai
ki dosti ka hai kya zikr dushmani bhi nahin

Fazl Ahmad kariim Fazli

---

---

naqab un ne ruKH se uThai to lekin
hijabaat kuchh darmiyan aur bhi hain

Fazl Ahmad kariim Fazli

---

---

har ek shai KHun mein Dubi hui hai
koi is tarah se paida na hota

Fazl Tabish

---

---

kamre mein aa ke baiTh gai dhup mez par
bachchon ne khilkhila ke mujhe bhi jaga diya

Fazl Tabish

---

---

mangne se hua hai wo KHud-sar
kuchh dinon kuchh na mang kar dekho

Fazl Tabish

---

---

na kar shumar ki har shai gini nahin jati
ye zindagi hai hisabon se ji nahin jati

Fazl Tabish

---

---