ishq bin jine ke aadab nahin aate hain
'mir' sahab ne kaha hai ki miyan ishq karo

Wali Aasi

---

---

zamana aur abhi Thokaren lagae hamein
abhi kuchh aur sanwar jaana chahte hain hum

Wali Aasi

---

---

wahan hamara koi muntazir nahin phir bhi
hamein na rok ki ghar jaana chahte hain hum

Wali Aasi

---

---

unhen bhi jine ke kuchh tajrabe hue honge
jo kah rahe hain ki mar jaana chahte hain hum

Wali Aasi

---

---

sab bichhDe sathi mil jaen murjhaen chehre khil jaen
sab chaak dilon ke sil jaen koi aisa kaam karo 'wali'

Wali Aasi

---

---

musalla rakhte hain sahba-o-jam rakhte hain
faqir sab ke liye intizam rakhte hain

Wali Aasi

---

---

mauj-e-hawa aab-e-rawan aur ye zamin o aasman
ek roz sab jaenge thak allah bas baqi hawas

Wali Aasi

---

---

main jis ka jawab na de paun
aisa bhi koi sawal karna

Wali Aasi

---

---

kabhi bhule se bhi ab yaad bhi aati nahin jin ki
wahi qisse zamane ko sunana chahte hain hum

Wali Aasi

---

---