حق بات سر بزم بھی کہنے میں تأمل
حق بات سر دار کہو سوچتے کیا ہو

واحد پریمی

---

---

ہم وہ رہرو ہیں کہ چلنا ہی ہے مسلک جن کا
ہم تو ٹھکرا دیں اگر راہ میں منزل آئے

واحد پریمی

---

---

ہے شام اودھ گیسوئے دلدار کا پرتو
اور صبح بنارس ہے رخ یار کا پرتو

واحد پریمی

---

---

گل غنچے آفتاب شفق چاند کہکشاں
ایسی کوئی بھی چیز نہیں جس میں تو نہ ہو

واحد پریمی

---

---

ایک مدت سے اسی الجھن میں ہوں
ان کو یا خود کو کسے سجدہ کروں

واحد پریمی

---

---

دلوں میں زخم ہونٹوں پر تبسم
اسی کا نام تو زندہ دلی ہے

واحد پریمی

---

---

بعد تکلیف کے راحت ہے یقینی واحدؔ
رات کا آنا ہی پیغام سحر ہوتا ہے

واحد پریمی

---

---

اپنا نفس نفس ہے کہ شعلہ کہیں جسے
وہ زندگی ہے آگ کا دریا کہیں جسے

واحد پریمی

---

---

آزاد تو برسوں سے ہیں ارباب گلستاں
آئی نہ مگر طاقت پرواز ابھی تک

واحد پریمی

---

---