کیوں شکوۂ بے مہرئ ساقی ہے لبوں پر
پینا ہے تو خود بڑھ کے پیو بادہ گسارو

واحد پریمی

---

---

کوئی ہنگامۂ حیات نہیں
رات خاموش ہے سحر خاموش

واحد پریمی

---

---

کوئی گردش ہو کوئی غم ہو کوئی مشکل ہو
جس کو آنا ہو ہمارے وہ مقابل آئے

واحد پریمی

---

---

کسی کو بے سبب شہرت نہیں ملتی ہے اے واحدؔ
انہیں کے نام ہیں دنیا میں جن کے کام اچھے ہیں

واحد پریمی

---

---

کس شان کس وقار سے کس بانکپن سے ہم
گزرے ہیں آزمائش دار و رسن سے ہم

واحد پریمی

---

---

اندھیروں میں اجالے ڈھونڈھتا ہوں
یہ حسن ظن ہے یا دیوانہ پن ہے

واحد پریمی

---

---

کعبہ و دیر و کلیسا کا تجسس کیوں ہو
جب مرے قلب ہی میں میرا خدا ہے یارو

واحد پریمی

---

---

اس طرح حسن و محبت کی کرو تم تفسیر
مجھ کو آئینہ کہو اور انہیں تصویر کہو

واحد پریمی

---

---

ہجوم غم سے ملی ہے حیات نو مجھ کو
ہجوم درد سے پایا ہے حوصلہ میں نے

واحد پریمی

---

---