kyun shikwa-e-be-mehri-e-saqi hai labon par
pina hai to KHud baDh ke piyo baada-gusaro

Wahid Premi

---

---

koi hangama-e-hayat nahin
raat KHamosh hai sahar KHamosh

Wahid Premi

---

---

koi gardish ho koi gham ho koi mushkil ho
jis ko aana ho hamare wo muqabil aae

Wahid Premi

---

---

kisi ko be-sabab shohrat nahin milti hai ai 'wahid'
unhin ke nam hain duniya mein jin ke kaam achchhe hain

Wahid Premi

---

---

kis shan kis waqar se kis bankpan se hum
guzre hain aazmaish-e-dar-o-rasan se hum

Wahid Premi

---

---

andheron mein ujale DhunDhta hun
ye husn-e-zan hai ya diwana-pan hai

Wahid Premi

---

---

kaba-o-dair-o-kalisa ka tajassus kyun ho
jab mere qalb hi mein mera KHuda hai yaro

Wahid Premi

---

---

is tarah husn-o-mohabbat ki karo tum tafsir
mujh ko aaina kaho aur unhen taswir kaho

Wahid Premi

---

---

hujum-e-gham se mili hai hayat-e-nau mujh ko
hujum-e-dard se paya hai hausla main ne

Wahid Premi

---

---