najd se jaanib-e-laila jo hawa aati hai
dil-e-majnun ke dhaDakne ki sada aati hai

Taashshuq Lakhnavi

---

---

muntazir tere hain chashm-e-KHun-fishan khole hue
baiThe hain dil bechne wale dukan khole hue

Taashshuq Lakhnavi

---

---

mujhe hai fikr KHat bheja hai jab se us gul-e-tar ko
hazaron bulbulen rokengi rassi mein kabutar ko

Taashshuq Lakhnavi

---

---

mujh se lakhon KHak ke putle bana sakta hai tu
main kahan se ek tera sa KHuda paida karun

Taashshuq Lakhnavi

---

---

mujh se kya puchhte ho dagh hain dil mein kitne
tum ko ayyam-e-judai ka shumar aata hai

Taashshuq Lakhnavi

---

---

mauj-e-dariya se bala ki chahiye kashti mujhe
ho jo bilkul na-muwafiq wo hawa paida karun

Taashshuq Lakhnavi

---

---

aamad aamad hai KHizan ki jaane wali hai bahaar
rote hain gulzar ke dar baghban khole hue

Taashshuq Lakhnavi

---

---

kabhi to shahidon ki qabron pe aao
ye sab ghar tumhaare basae hue hain

Taashshuq Lakhnavi

---

---

jis taraf baiThte the wasl mein aap
usi pahlu mein dard rahta hai

Taashshuq Lakhnavi

---

---