main tere zikr ki wadi mein sair karta rahun
hamesha lab pe tere nam ki miThas rahe

Siraj Faisal Khan

---

---

teri hayat se juD jaun waqia ban kar
teri kitab mein mera bhi iqtibas rahe

Siraj Faisal Khan

---

---

tere ehsas mein Duba hua main
kabhi sahra kabhi dariya hua main

Siraj Faisal Khan

---

---

talluq toD kar us ki gali se
kabhi main juD na paya zindagi se

Siraj Faisal Khan

---

---

shayad agli ek koshish taqdir badal de
zahar to jab ji chahe khaya ja sakta hai

Siraj Faisal Khan

---

---

main muntazir hun kisi aise wasl ka jis mein
mere badan pe tere jism ka libas rahe

Siraj Faisal Khan

---

---

main kahkashaon mein KHushiyan talashne nikla
mere sitare mera chand sab udas rahe

Siraj Faisal Khan

---

---

tum us ko bulandi se girane mein lage ho
tum us ko nigahon se gira kyun nahin dete

Siraj Faisal Khan

---

---

main sang-e-mil tha to ye karna paDa mujhe
ta-umr raste mein Thaharna paDa mujhe

Siraj Faisal Khan

---

---