teri abru hai mehrab-e-mohabbat
namaz-e-ishq mere par hui farz

Siraj Aurangabadi

---

---

tere suKHan mein ai naseh nahin hai kaifiyyat
zaban-e-qulqul-e-mina sin sun kalam-e-shara

Siraj Aurangabadi

---

---

tere salam ke dhaj dekh kar mere dil ne
shitab aaqa mujhe ruKHsati salam kiya

Siraj Aurangabadi

---

---

qatil ne ada ka kiya jab war uchhal kar
main ne sipar-e-dil kun kiya oT sambhal ka

Siraj Aurangabadi

---

---

sanam kis band sin pahunchun tere pas
hazaron band hain teri qaba ke

Siraj Aurangabadi

---

---

oza-daran-e-judai kun KHam-e-abru-e-yar
mah-e-id-e-ramazan tha mujhe malum na tha

Siraj Aurangabadi

---

---

shah-e-be-KHudi ne ata kiya mujhe ab libas-e-barahnagi
na KHirad ki baKHiya-gari rahi na junun ki parda-dari rahi

Siraj Aurangabadi

---

---

pech kha kha kar hamari aah mein girhen paDin
hai yahi sumran teri darkar koi mala nahin

Siraj Aurangabadi

---

---

pakDa hun kinara-e-judai
jari mere ashk ki nadi hai

Siraj Aurangabadi

---

---