شیخ کچھ اپنے آپ کو سمجھیں
میکشوں کی نظر میں کچھ بھی نہیں

شرف مجددی

---

---

جس کو چاہا تو نے اس کو مل گیا
ورنہ تجھ کو پانے والا کون تھا

شرف مجددی

---

---

کم سنی جن کی ہمیں یاد ہے اور کل کی ہی بات
آج انہیں دیکھیے کیا ہو گئے کیا سے بڑھ کر

شرف مجددی

---

---

پامالیوں کا زینہ ہے عرش سے بھی اونچا
دل اس کی راہ میں ہے کیا سرفراز میرا

شرف مجددی

---

---

پارسا بن کے سوئے مے خانہ
سر جھکائے ہوئے ہم جاتے ہیں

شرف مجددی

---

---

قدموں پہ گرا تو ہٹ کے بولے
اندھا ہے تو دیکھتا نہیں ہے

شرف مجددی

---

---

تصور نے ترے آباد جب سے گھر کیا میرا
نکلتا ہی نہیں دن رات اپنے گھر میں رہتا ہے

شرف مجددی

---

---

عشاق کے آگے نہ لڑا غیروں سے آنکھیں
ڈر ہے کہ نہ ہو جائے لڑائی ترے در پر

شرف مجددی

---

---

تیری آنکھیں جسے چاہیں اسے اپنا کر لیں
کاش ایسا ہی سکھا دیں کوئی افسوں مجھ کو

شرف مجددی

---

---