hijr ki shab nala-e-dil wo sada dene lage
sunne wale raat kaTne ki dua dene lage

Saqib Lakhnavi

---

---

zamana baDe shauq se sun raha tha
hamin so gae dastan kahte kahte

Saqib Lakhnavi

---

---

us ke sunne ke liye jama hua hai mahshar
rah gaya tha jo fasana meri ruswai ka

Saqib Lakhnavi

---

---

sunne wale ro diye sun kar mariz-e-gham ka haal
dekhne wale taras kha kar dua dene lage

Saqib Lakhnavi

---

---

sone walon ko kya KHabar ai hijr
kya hua ek shab mein kya na hua

Saqib Lakhnavi

---

---

muTThiyon mein KHak le kar dost aae waqt-e-dafn
zindagi bhar ki mohabbat ka sila dene lage

Saqib Lakhnavi

---

---

kis nazar se aap ne dekha dil-e-majruh ko
zaKHm jo kuchh bhar chale the phir hawa dene lage

Saqib Lakhnavi

---

---

kahne ko musht-e-par ki asiri to thi magar
KHamosh ho gaya hai chaman bolta hua

Saqib Lakhnavi

---

---

jis shaKHs ke jite ji puchha na gaya 'saqib'
us shaKHs ke marne par uTThe hain qalam kitne

Saqib Lakhnavi

---

---