jhankte raat ke gareban se
hum ne sau aaftab dekhe hain

Salman Akhtar

---

---

aisa nahin ki un se mohabbat na ho magar
pahle sa josh pahle si shiddat nahin rahi

Salman Akhtar

---

---

ek wahi shaKHs mujh ko yaad raha
jis ko samjha tha bhul jaunga

Salman Akhtar

---

---

hazar chahen magar chhuT hi nahin sakti
baDi ajib hai ye mai-kashi ki aadat bhi

Salman Akhtar

---

---

hum jo pahle kahin mile hote
aur hi apne silsile hote

Salman Akhtar

---

---

guftugu tir si lagi dil mein
ab hai shayad ilaj sannaTa

Salman Akhtar

---

---

dekhe jo meri neki ko shak ki nigah se
wo aadmi bhi to mere andar hai kya karun

Salman Akhtar

---

---

chand suraj ki tarah tum bhi ho qudrat ka khel
jaise ho waise raho banna bigaDna chhoDo

Salman Akhtar

---

---

ut samajhte the jis ko sare log
wo mere waste KHuda sa tha

Salman Akhtar

---

---