aae jo chand tinke qafas mein saba ke sath
main ne unhin ko apna nasheman samajh liya

Salam Sandelvi

---

---

ahut ummid thi manzil pe ja kar chain paenge
magar manzil pe jab pahunche to nazm-e-karwan badla

Salam Sandelvi

---

---

ijli giregi sehn-e-chaman mein kahan kahan
kis shaKH-e-gulistan pe mera aashiyan nahin

Salam Sandelvi

---

---

chand tinkon ke siwa kya tha nasheman mein mere
barq-e-nadan ko samajh aai bahut der ke baad

Salam Sandelvi

---

---

dil ki dhaDkan bhi hai un ko nagawar
un se kuchh kahne ki jurat kya karen

Salam Sandelvi

---

---

gulon ke rup mein bikhre hain har taraf kanTe
chale jo koi to daman zara bacha ke chale

Salam Sandelvi

---

---

gul-o-ghuncha asl mein hain teri guftugu ki shaklen
kabhi khul ke baat kah di kabhi kar diya ishaara

Salam Sandelvi

---

---

hai tishna-labi lekin hum kyun use zahmat den
apna hi lahu pi len saqi ko jagaen kya

Salam Sandelvi

---

---

hamesha dur ke jalwe fareb dete hain
hai warna chand bayaban kisi ko kya malum

Salam Sandelvi

---

---