meri fikr ki KHushbu qaid ho nahin sakti
yun to mere honTon par maslahat ka tala hai

Salam Machhli shahri

---

---

aansu hun hans raha hun shagufon ke darmiyan
shabnam hun jal raha hun shararon ke shahr mein

Salam Machhli shahri

---

---

kabhi kabhi arz-e-gham ki KHatir hum ek bahana bhi chahte hain
jab aansuon se bhari hon aankhen to muskurana bhi chahte hain

Salam Machhli shahri

---

---

kash tum samajh saktin zindagi mein shaer ki aise din bhi aate hain
jab usi ke parwarda chand us pe hanste hain phul muskuraate hain

Salam Machhli shahri

---

---

gham musalsal ho to ahbab bichhaD jate hain
ab na koi dil-e-tanha ke qarin aaega

Salam Machhli shahri

---

---

ujh gai kuchh is tarah sham-e-'salam'
jaise ek bimar achchha ho gaya

Salam Machhli shahri

---

---

ajib baat hai main jab bhi kuchh udas hua
diya sahaara harifon ki bad-duaon ne

Salam Machhli shahri

---

---

ai mere ghar ki fazaon se gurezan mahtab
apne ghar ke dar-o-diwar ko kaise chhoDun

Salam Machhli shahri

---

---

ab ma-hasal hayat ka bas ye hai ai 'salam'
cigarette jalai sher kahe shadman hue

Salam Machhli shahri

---

---