uKH hath pe rakkha na karo waqt-e-takallum
har baat mein quran uThaya nahin jata

Sakhi Lakhnvi

---

---

naqd-e-dil ka baDa taqaza hai
goya un ki zamin jote hain

Sakhi Lakhnvi

---

---

na chhoDa hijr mein bhi KHana-e-tan
ragaDwaegi kab tak eDiyan ruh

Sakhi Lakhnvi

---

---

na aashiq hain zamane mein na mashuq
idhar hum rah gae hain aur udhar aap

Sakhi Lakhnvi

---

---

mere lashe ko kandha de ke bole
chalo turbat mein ab tum ko sulaen

Sakhi Lakhnvi

---

---

main tujhe phir zamin dikhaunga
dekh mujh se na aasman bigaD

Sakhi Lakhnvi

---

---

li zaban us ki jo munh mein ho gaya zauq-e-nabaat
ungliyan chusin to zauq-e-naishakar paida hua

Sakhi Lakhnvi

---

---

kyun hasinon ki aankhon se na laDe
meri putli ki mardumi hi to hai

Sakhi Lakhnvi

---

---

kya aatish-e-furqat ne buri pai hai tasir
is aag se pani bhi bujhaya nahin jata

Sakhi Lakhnvi

---

---