e-nishan sahir nishan mein aa ke shayad ban gaya
la-makan ho kar makan mein KHud makin hota raha

Sahir dehlavi

---

---

azal se ham-nafasi hai jo jaan-e-jaan se hamein
payam dam-ba-dam aata hai la-makan se hamein

Sahir dehlavi

---

---

ayan 'alim' se hai jism-o-jaan ka ilhaq
makin makan mein na hota to la-makan hota

Sahir dehlavi

---

---

ai pari-ru tere diwane ka iman kya hai
ek nigah-e-ghalat-andaz pe qurban hona

Sahir dehlavi

---

---

ahd-e-misaq ka lazim hai adab ai waiz
hai ye paiman-e-wafa rishta-e-zunnar na toD

Sahir dehlavi

---

---