qadam hai ain hudus aur hudus ain qadam
jo tu na jalwe mein aata to main kahan hota

Sahir dehlavi

---

---

kya shauq ka aalam tha ki hathon se uDa KHat
dil tham ke us shoKH ko likhne jo laga KHat

Sahir dehlavi

---

---

main diwana hun aur dair-o-haram se mujh ko wahshat hai
paDi rahne do mere panw mein zanjir-e-mai-KHana

Sahir dehlavi

---

---

mil-mila ke donon ne dil ko kar diya barbaad
husn ne kiya be-KHud ishq ne kiya aazad

Sahir dehlavi

---

---

naqsh-e-qadam hain rah mein farhad-o-qais ke
ai ishq khinch kar mujhe laya idhar kahan

Sahir dehlavi

---

---

pabandi-e-ahkaam-e-shariat hai wahan farz
rindon ko ruKH-e-saqi-o-saghar hue maKHsus

Sahir dehlavi

---

---

tha anal-haq lab-e-mansur pe kya aap se aap
tha jo parde mein chhupa bol uTha aap se aap

Sahir dehlavi

---

---

yun to har din mein hai sahab-e-iman hona
hum ko ek but ne sikhaya hai musalman hona

Sahir dehlavi

---

---

wa hote hain masti mein KHarabaat ke asrar
rindi mera iman hai masti hai mera farz

Sahir dehlavi

---

---